MINECOFIN

MINISTRY OF FINANCE AND ECONOMIC PLANNING

REPUBLIC OF RWANDA

MENYA MINECOFIN
Minisitiri
Umunyamabaga wa leta ushinzwe ijyenamigambi
Umunyamabanga uhoraho
Umuyobozi Mukuru ushinzwe Ubukungu
Umugenzuzi Bwite Mukuru
Ishami rishinzwe ibikorwa rusange
Ishami rishinzwe Igenamigambi ry’Iterambere ry’igihugu & Ubushashatsi
Servisi zitangwa na MINECOFIN
Ishami rishinzwe Gutezambere Urwego rw’Imari
Agashami gashinzwe Imucungire y’Imishinga Ihurijwe hamwe (SPIU)
Ingengo y’Imari y’Igihugu
Umucungamari Mukuru

Minisitiri

Ambasaderi Claver GATETE yavukiye MBARARA-Uganda kuwa 23 Gicurasi 1962. Yarangije icyiciro cya mbere cya Kaminuza muri 1991 muri Kaminuza ya British Columbia, Vancouver, B.C., Canada aminuza mu cyiciro cy’Ubuhinzi bushingiye ku Bukungu.Yize kandi ayo mashuli mu cyiciro cya 2 cya Kaminuza mu 1993.

 

Mbere yo kugirwa Umuyobozi wa Banki Nkuru y’ u Rwanda kuwa gatanu, tariki 6 Gicurasi 2011, Ambasaderi Claver GATETE yabaye Umuyobozi Wungirije wa Banki Nkuru y’ u Rwanda, umwanya yabayemo kuva Ukuboza 2009.

Ambasaderi Claver GATETE yaje muri Banki Nkuru y’ u Rwanda avuye mu Bwongereza aho yarahagarariye u Rwanda nka Ambasaderi mu Bwongereza, Irilande, n’Ikirwa cya ruguru, umwanya yabayemo kuva Ugushyingo 2005 kugeza Ukuboza 2009. 

Kuva Ugushyingo 2003 kugeza Nzeli 2005, Ambasaderi Claver GATETE yari Umunyamabanga Mukuru akaba n’ Umunyamabanga ushinzwe Ikigega cya Leta muri Minisiteri y’Imari n’Igenamigambi. Kuva Ukwakira 2001 kugeza Gicurasi 2005, yakoze mu biro bya Nyakubahwa Perezida wa Repubulika nk’Intumwa yihariye   ya Perezida muri Komiti nshingwabikorwa ya NEPAD, aba Umuhuzabikorwa w’Urwego rw’Igihugu Rushinzwe Ihuriro ry’Ubufatanye bwa Afurika (APRM), aba umunyamuryango wa Komisiyo y’ihuriro ry’ubufatanye bwa Afurika (APR) aba kandi   umunyamuryango wa NEPAD mu ihuriro ry’ubufatanye bwa Afurika (APF).

Mu biro bya Perezida, Ambasaderi Claver GATETE yabaye Umuyobozi Mukuru ushinzwe imibereho myiza y’abaturage n’ubukungu kandi aba umwe mu bagize Akanama Ngishwanama mu biro bya Perezida wa Repubulika kuva muri Nyakanga 2000 kugeza Ukuboza 2003.     

 

Mbere yo gukora mu biro bya Perezida, Ambasaderi Claver GATETE yakoze mu Ishami ry’Umuryango wa Bibumbye rishinzwe Iterambere (UNDP) – Kigali-Rwanda kuva 1997 kugeza 2000 nk’umukozi Unshizwe Ubukungu.

 

Akimara kurangiza amashuli y’icyiciro cya mbere ni cya kabili, Ambasaderi Claver GATETE yakoze muri Canada nk’umukozi ushinzwe ubukungu kuva 1991 kugeza 1997, aho yize ibarurishamibare ryerekeye ubuhinzi n’ubuhinzi bw’ibiribwa muri Kaminuza ya British Columbia na Algonquin College.

 

Ambasaderi Claver GATETE yakoze imirimo itandukanye mu nama z’Ubuyobozi harimo Ikigo cy’Igihugu cy’Imisoro (RRA) yari abereye   Perezida (2001-2003); Perezida w’Inama y’Ubuyobozi y’Ishuli Rikuru ry’Imari n’Amabanki Perezida (2003-05); yabaye umwe mu bagize Inama y’Ubuyobozi ya Banki Nkuru y’u Rwanda (2003-05); Visi Perezida w’Ikigega cy’Iterambere ry’Abaturage (2003-05). Yakoze kandi indi mirimo y’ingenzi harimo kuba Perezida wa Komiti y’Imicungire y’ Imari ya Leta (2003-05); agirwa umwe mu bayobora Itsinda Mpuzabikorwa ry’Abafatanyabikorwa mu Iterambere hamwe aba kandi Umuhuzabikorwa w’Umuryango wa Bibumbye (Mutarama 2004- Nzeli 2005).

Inyandiko Ambasaderi Claver GATETE yanditse harimo:

-        Inyandiko ya Politiki y’igihe giciriritse ku buhunzi bw’ibiribwa ku Gihugu cya Canada (afatanije na Merritt Cluff, Hsin Huang, Rebecca Ewing na Mitch Wensley), Ubuhunzi n’ ubuhunzi bw’ibiribwa muri Canada, Ukuboza ,1997.

-        Imiterere y’ibiribwa ku mugabane wa Pasifike (afatanije na Brad Gilmour hamwe Lars Brink), Inama y’Ubutwererane ku Bukungu ku mugabane wa Pasifike, Ugushyingo 1997, pp.22.

-        Ubusesenguzi ku Bukungu bushingiye ku mibare ku bijyanye ni gurishwa ry’ikahwa mu Rwanda, UBC, Ishami ry’Ubukungu rishingiye ku Buhinzi, Inyandiko y’ubushakashatsi, (1996).

-        Ubusesenguzi ku kibazo cyigurishwa ry’ ikahwa ya Kenya (afatanije na Mary Bohman hamwe na James Vercammen). Inyandiko yasobanuwe mu nama ya   WAEC-CAEFMS, yabereye Edmonton, Nyakanga, 1993, yatangajwe mu Kinyamakuru cya Canada kivuga ku bukungu bushingiye ku buhizi 40(1993) No.4, PP. 506.

-        Ubusesenguzi ku Bukungu bujyanye n’igurishwa ry’ikahwa muri Kenya, Igitabo ku cyiciro cya kabili cya Kaminuza, Kaminuza ya British Colombia, Vancouver, B.C., 1993.

-        Uburyo buhamye bwo guhangana n’ibyateza ibyago ku ishoramari no kugabanya icyateza ingorane ku ishoramari (Igitekerezo yatanze afatanije na Victor Gaspar hamwe na James Vercammen), byatangajwe mu Kinyamakuru cya Canada kivuga ku bukungu bushingiye ku buhizi wa 40 (1992) PP.499.

-        Raporo n’inyandiko zitatangajwe ku iterambere ry’ubukungu bw’u Rwanda mu bijyanye na NEPAD & n’Uburyo bw’Isuzuma rikorerwa Afurika, ubucuruzi n’ishoramari, ivugurura ry’ubukungu, kurwanya ubukene no guhuza ibikorwa n’imicungire by’inkunga. 

 

 

Abo turibo

Igenamigambi

Ingengo y’imari no Kwishyurana

Amategeko n’Amabwiriza

Itangazamakuru

©  2017  Ministry of Finance and Economic Planning.